nomi fittizi di una “coppia perbene”a cui faccio ringraziamenti veraci e altrettanto...
“perbene”
Pozza jettà o' veleno e sango
pe' quante vote aggio ditto
“gnorsi”1n'faccia a chella faccia
mò tirata e mò arrugnata e' chella
femmena 'mbarzamata2.
Forge tirate3.
Loppeca pittata4.
Tene a carne de' cosce e de' piedi
comm'a pelle d'o' serpente quando,
pe' natura, o mese austo, s'adda spuglià.
M'pietto duje melluni ca a' fanno
purtà affanno dint'a' jurnata
quando se preggia spacienziosa
a sa ammuinà5.
'Ngrifata cu e' pezzienti6,
appaurata cu e' fetienti7 , tene na peducchiaria dint' a panza
ca pure o' fegatiello e' mosca le fa sustanza8.
Pozza jettà o' veleno e o' sango
isso, quanto a essa.
'Na capa e' puorco 'ntesecosa9 cà
'ncunfetta ogni bona piccirella10
scurdannese cà pure isso è pate e' quatranella11
e a scena da' cummedia, all'intrasatto12, po' cagnà.
'Nzieme, tutte e' duje, e pe streppegna13,
fanno 'ncarugnì o chiù geniuso de' cristiani14,
levannoli a' dinto o' core fede, speranza e carità.
So' cifari tentilli15, traseno n'cuorpo e te sucano o' ciato16,
ciato cà hanna perdere quando stanno dinto o' meglio d'a vita lloro.
A jettà o' veleno e o' sango, però,
aggia essere pure io.
Na 'ntontera abbunata17 cà se mprestava, cu San Giuvann e' fianco18,
a dà sustiento, onore e gloria a chelli duje latrine19,a chelli duje mappine20,
scumma rigogliosa e' tutta a munezza.. d'e' munezze21!
GLOSSARIO
1. Gnorsi: si signora.
2. Femmena mbarzamata: donna finta.
3. Forge tirate: narici dilatate.
4. Loppeca pittata: capelli tinti.
5. Preggia spacienziosa a' se ammuinà: si affretta con ansia a risolvere le facende quotidiane.
6. 'Ngrifata cu e' pezzienti: arrogante con gli umili.
7. Appaurata cu e' fetienti: timorosa con la gentaglia.
8. Tene na peducchiaria dinto a' panza ca pure o' fegatiello e' mosca le fa sustanza: è talmente
tirchia che per nutrirsi e non spendere, le sta bene anche il piccolo fegato di una mosca.
9. Na cape e'puorco ntesecosa:testa di maiale rigida ed altezzosa.
10. 'Ncunfetta ogni bona piccerella: calunnia ogni ragazzetta.
11. Quatranella: ragazzina adolescente.
12. All'intrasatto: all'improvviso.
13. Pe streppegna: per stirpe.
14. 'Ncarugnì o' chiù geniuso de' cristiani: incarognire il più buono dei”cristiani”.
15. Cifari tentilli: diavoli tentatori.
16. Sucano o' ciato: ti aspirano l'anima.
17. 'Ntontera abbunata: ingenua.
18. Cu San Giuvann' e' fianco: madrina di battesimo.
19. Latrine: cessi pubblici.
20. Mappine: canovacci.
21. Scumma rigogliosa e' tutta a munezza.. d'e' munezze: scolo della spazzatura. Liquame fresco e fetido.
Nessun commento:
Posta un commento