PENSAMMECE BBUONO

Conosco na brutta malatia

ca trase n’cuorpo¹ quando  si nennella

e nun te fa chiù crescere.

Nisciuno e’ nuje ammette  e ne suffrì, ma a mmiria, purtatrice

d’affanno, è comm’ a tosse, nun a’ può annasconnere,

nun se po’ annasconnere.
Criscenne nzieme a te, te crasta, te acceca, te frusta.

Te fa tuccà o funno d’o funno, te fa avvede’ o scurore

primm’e murì.

Ncap’ porta a guerra, disordine, afflizioni,

e  pe’ addacquà meglio e’ pensieri turmentusi, te nvienti lavie e bucie² cu’ te stess’,

pe dint’o munno e ncopp’a vita e ll’ate.

Pensamme buon a chello

ca simmo quando parlammo.

E quand’ parlammo, spiammo³ chi simmo. 

Stù quatrario asfittico e verdòceno acetuso⁴

nun se po’ chiamma “campà”.

A vita è una sola

n’ata vita nun ce stà.

Pensammece buono!

GLOSSARIO

1.Trase n’cuorp: ti entra dentro.

2. Lavie e bucie: lave di bugie.

3. Spiammo:interroghiamo noi stessi.

4. Verdòceno acetuso: produzione di bile.