Il malevolo. Incontro
devastante che ognuno di noi, almeno una volta nella vita, ha dovuto subire.
Stanotte, ma forse già schiarava1
juorno,
me è venuta n’zuonno,
bella comm’è, a Madonna. Figlia mia,
m’ha ditto, o’ munno nun sente chi chiagne a rraggione2 ma, a vocia
toia sagliuta fin’ a ncielo, m’ha dato a pena e a miseria e te guardà.
Figlia mia, nun‘ alluccà.
Quant’a isso, ca se fà
passà pe grazia e’ Dio, o’ viento pussente o stà venenn’a l’annettà3
e nzieme a isso o’ stravèrio4 de e forz’ soie.
Mai tenette a capienza e
mbastà suspir’ e lucie5.
Comm’a isso o pate, e o pate
d’o pate ancora primma6.
Ma tu suppuort, figlia mia,
nun alluccà.
Nun alluccà pecchè sei terra e
creature7 e lloro nun sentono raggione8.
A maronna parlava, parlava
e cu aggarbatezza pe dint’
all’aria
se allontanava, scriava9 comme
a fummo janco vers’ò niente.
Ntramente10, e
fianco a me, o demmonio redeva.
Na cape e purpe11
vestuto e fuoco ncopp’a a nu cavallo
niro cravone12 redeva, redeva e me accarezzava.
Me cianciava13
comme a quando stò scetata14 e cerca n’accordo pe putè sunà na
sinfonia dannata.
Vattenne tu, le dicette, e’
capit’ vattenne.
Scarrùpo15 e
miserie d’a vita mia.
Vattenne.
Almeno nzuonno, stamme
lontano.
Famme arrepusà16!
Glossario
1. Schiarava:albeggiava.
2. Chiagnie a raggione: che ha
motivi importanti per piangere.
3. Annettà:pulire,
disincrostare.
4. Straverio: eccesso
fastidioso e negativo.
5. Capienza
e mbastà suspiri e lucie: capacità di creare situazioni buone, positive.
6. Comm’a
isso o pate, e o pate d’o pate ancora primma:come lui il padre e il nonno, per
genetica.
7. Terra e
criature: madre.
8. Lloro nun sentono raggione: i figli, per la tenera età, non
comprendono i disagi e richieste di aiuto della propria madre.
9. Scriava: si dissolveva.
10. Ntramente: intanto, nel frattempo.
11. Cape e purpo: saltimbanco.
12. Niro cravone: nero carbone.
13. Me cianciava: mi coccolava.
14. Scetata: sveglia.
15. Scarrùpo: distruzione.
16. Famme
arrepusà: fammi riposare.
Nessun commento:
Posta un commento